Isifundo 4 Ukuncengela lomzamo kaThixo wokuqala
October 22, 2008 by khumblani
(KwabaseRoma 3, 5 & 8, KwabaseEfesu 1)
Copr. 2008, Bruce N. Cameron, J.D. Yonke imibhalo ivela ku-New International Version (NIV), copr. 1973, 1978, 1984 i-International Bible Society, ngaphandle umakuchaziwe. Imibhalo esuka ku-NIV isetshenziswe ngevumo ye- Zondervan Bible Publishers. Impendulo ezikhethiweyo zitholakala kuzigobholozi (). Uma usamukela lesi-Isifindo nge-email, kodwa sibesisilahleka ungasithola kule ikheli ye-web: . Thandazela ukuba uMoya Oyingcwele uvule ukuzwisisa kwakho ungakaqali ukufunda.
Isingeniso: Amaviki amabili aphelileyo sifunde ngokuba isono sangena njani emazulwini lasemhlabeni. Kule iviki sengena esahlukweni sethu sokuqala esichaza ukuphunyuka kwethu esonweni lekufeni okunaphakade. Kungani uNkulunkulu wakhetha ukusisidisa? Kuyini okwaqala idlela yethu yokuphuma esonweni? Sifundile ngamaviki amabili aphelileyo ukuba singasenqabela njani isono ngokukhangela ukthi sona savela sangena njani emhlabeni. Kungabayini esingakufunda ngokulunga ngendlela uNkulunkulu owasinikeza ngayo indlela yokuphunyuka esonweni. Kasingeneni ekufundeni iBhayebheli sifunde okunye ngemicabango kaNkulunkulu.
I. Isimo sethu khathesi
A. Funda kwabaseRoma 3:10-12. Sinjani isimo sethu? Siyenelisa na ukwenza ngcono kulo Adamu lo Eva ukuvikela uhlupho? (Hatshi! Akekho olungileyo. Sonke siyona.)
B. Funda kubase Roma 3:19-20. Ungabuza abantu abanengi, bacabanga ukuthi baphilwa impilo enhle. Bangatsho lokhu bethembeni? (Abantu abanengi babeka ithemba labo entweni ethile. Ngabantu "abahle" ngoba kababotshwanga, kumbe ngoba baphatha abanye abantu kuhle. )
1. Yikho na okucabangayo ngempilo yakho?
2. Uthini lo umbhalo ngokucabanga ukuthi silungile nokuziqathanisa lemthetho elitshumi?
3. Yimithetho elitshumi nje kuphila, kungabanzima njani ukuyigcina?
4. Singafunda kwabaseRoma 3:20, sifunda ukuthi injongo kaNkulunkulu ngokusinikeza imthetho elitshumi ingabayini? (Sifundiswa ukuthi akekho umuntu ozosindiswa ngemithetho elitshumi, akekho "olobuhle obuphezulu" ngemisebenzi yakhe. Injongo eyondwa yemithetho elitshumi yikuthi yikutshengisa iqiniso (ngesono) ngemvelo yenhliziyo zethu. Singazwisisa ukuthi kutshoni ukulandela imithetho (khangela uMatewu 5:21-22 lo Matewu 5:27-28), sizafunda ukuthi kasilunganga okungakanani.)
II. Ithemba lodumo
A. Umasingenelisi ukufinyelela esigabeni sika Nkulunkulu, kulethemba liphi kithi.
B. Funda kwbaseRoma 5:1-2. Kwiyini "ithemba lodumo kuNkulunkulu?" (Isiqondiso sempendulo: Kusinikeza ukwethaba!)
1. Kulokwenza lokukholwa lomusa? (Idumo lukaNkulunkulu lutsho ukubalapho akhona. Umusa lokukholwa yizihluthulelo ekufinyeleleni kuloludumo.)
2. UJesu ulenxenye bani kuloludumo lukaNkulunkulu? (Kwabase Roma 5:1 "ngayo inkosi yethu UJesu Krestu" siyenelisa "ukuma" emuseni. Ukuthola umusa ovela kuNkulunkulu kusinikeza ithemba lokuthi sizaba laye ezulwini. Lesiyisithembiso sezulu. Sisthatha lesisithembiso ngokholo kuJesu.)
3. Kusinikezani lokhu ukubalethemba kuJesu? (Kusinikeza (v.1)"ukuthula lo Nkulunkulu " laku vesi 2 isizatho sokuthokoza.)
C. Funda kwabaseRoma 5:3-4. Nanzelela lezizinto ezimbi ezilotshiweyo. Izinto ezimbi zingaphethela ethembeni? Kungani izinto ezimbi lezi ziphetha ngethemba?
1. Kungani kulokhe kukhulunywa ngezinto lezi ezimbi khona isihloko kuyikuthokoza ebukhoneni bukaNkulunkulu? (Iqiniso lempilo yikuthi sihlangana lenhlupho ezizima kusukela kwesinye isikhathi sisiyakwesinye.)
2. Ukuthola kuliqiniso empilweni yakho-ukuthi ukuhlupheka kukwenza ubelethemba? (Kukhanya ingazathi into enhle ngzinto ezimbi yikuthi kuqinisa ithemba lethusingahlala sethembakele. Sinanzelela ukuthi kasifinyeleli ezimisweni zikaNkulunkulu kusenza sifunde ukuthi sithembe umusa lokuthula esikunikezwa nguJesu.)
III.Icebo losindiso
A. Funda kwabase Roma 5:6. Isimiso esanikezwayo, uNkulunkulu wenza nini isiqumo sokuthi uJesu kumele asisindise? (IBhayibheli lithi "ngesikhathi esifaneleyo. Ukuthi "kungani?" yikuthi "sasingela mandla" –sikufuna kakhulu ukusizwa.")
1. Funda kwabase Fesu 1:4-6. Unkulunkulu walikhetha nini leli'cebo? Kulapho abona khona ukuthi usathane labantu basebonile yonke into? (Lokhukusitshela ukubana uNkulunkulu wayelalo leli icebo kusukusela umhlaba ungakabikhona!)
2. Kutshona ukuthi uNkulunkulu esazi ukuthi sizayona impilo (sasingela mandla) njalo kuzamele ayilungisise? (Kunzima ukufika komunye umcabango ngaphandle kwalowu. )
B. Funda kwabaseRoma 5:7-8. Kungabayini enza uNkulunkulu wangena esinzweni esingazwisisekiyo labantu abasebemhlamukele? (Uthando. UNkulunkulu wenza enye yezinto esasingeke siyenze njengabantu. Wakwenza ngenxa yokuthi wasithanda ukwedlula esingakucabanga. UNkulunkulu kazange ame size senelise ukuba sibe bahle kumbe sibengcwele kumbe size sifanele.)
1. Uyazi umuntu ohlakhatshana lenkonzo ngenxa yokuba "kabaka finyeleli ebuhleni?" Uthini lumbalo kibo?
C. Funda kwabase Roma 8:32. Kwabase Roma 5:7-8 usitshele ukuthi umnikelo kaNkulunkulu uyamangalisa. Sitshelwani kwabaseRoma 8:32 , lokhu kwengezelelani ekucabangeni kwethu? (Kasimangalisi kuphela isenzo sikajesu sokuzinikela, kodwa kutshengisa ukuba usithanda phezu kwayo yonke into! Lokhu kutsho ukuthi uNkulunkulu angeke asibambele lutho. I "kungani" yohlelo yosindiso yikuthi uNkulunkulu uyasithanda. Isimanga!)
D. Funda kwabase Romans 8:33-34. Usenzelani uJesu? (UJesu usezulwini uyasincengela. Njengasesikhathini sabakwa Isirayeli,lapho umPrista omhkulu ngosuku lokubamunye lokungcengelwa kwabantu, yikho uJesu uyasincengela ethebanekeleni lasezulwini. )
1. Silokuzwisisa okujulileyo ngabadlali kulomdlalo:Ngubani osimangalelayo? Ngubani osisolayo? (uSambulo 12:10 usitshela ukuthi ummangaleli wethu "uphoselwe phansi." Amaviki amabili aphelileyo sifunde uSmbulo 12:9 sazimisela ukuthi abaphoselwa phansi ngu sathane. Lowo owasingenisa esonweni usenqotshiwe, kodwa ulokhe esasimangalela! )
2. Kwiyini okwenzakala ethembeni lakho lapho abantu beku sola beku mangalela?
3. Ngubani onqobayo ekulwesaneni okuphakathi kuka Jesu lo sathane? (Usathane uphansi uJesu nguye umqobi. Ukusimangalela kwakhe kulandela lokho okwenzakala kumangaleli. )
E. Khangela kwabaseRoma 8:34 futhi. Kungani uJesu esinqobela? (Lokhu kusitshela ukuba umncengeli wethu ulendlebe kaNkulunkulu. Usesandleni sokudla sikaBaba. UJesu walandela uhlelo lwezulu lothando ebantwini waphila, wafa, wavuselwa thina. Ilizwi elihle kuBaba owayesithandile lakudala. Ngiyaluthanda lolu uhlelo!)
F. Funda kwabase Roma 8:35. Ibuza ukuthi "ngubani ongasehlukanisa lothando lukaNkulunkulu?" Kungaba yini engasenza singabi lenxenye ehlelweni lukaNkulunkulu lokugcwaliswa kwenxenye yakhe uNkulunkulu kuloluhlelo?
1. Umbhalo lo usinikeza izizatho zokusehlukanisa lothando luka Nkulunkulu. Kuyini okufananayo kulezizizatho? (Zonke zimbi. Kodwa okwedlula lokho, zelembangela evela ngaphandle. Zivela ngaphandle.)
2. Uma ukhangela izizatho zokwahlukaniswa, kusitshelana ngempedulo yombuzo okuvesi ngu 35? (Ukuthi kayikho into evela ngaphandle engasahklukanis lothando luka Nkulunkulu. Lokhu kusitshela ukuba yithi sodwa esingazehlukanisa lothando lukaNkulunkulu.)
G. Funda kwabase Roma 8:37. Ngubani osinikeza ukunqoba kuzolezi izihlupho zangaphandle? (Ujesu usenza sibe "phezu kwabanqobi.")
1. Uzizwa njengomqobi na?
H. Abanqobi kwesinye isikhathi bayaphelelwa ngamandla okunqoba labo ababa lwisayo. Funda kwabaseRoma 8:38-39. Kungaba yini esinika ithemba lesiqineselo sokuthi lokhu kaku soze kwenzakale kithi? (Kusitshela kuthi akula lutho olulamandla olungasehlukanisa loNkulunkulu. Kadunyiswe uNkulunkulu!)
I. Mngane, uyabona ukuba kungani uNkulunkulu wangenela ukuze asisindise? Uthando lwakhe luphezu kokuzwisisa kwethu. Impilo yansuku zonke ingkwenza uhlangane lobunzima, ungkhetha ukwamunkela umnikelo kaJesu lokukuqobela kwakhe, kayikho into engakwehlukanisa lothando lwakhe emhlabeni wonke. Kungani ungmkhethi khona khathesi?
I. Iviki ezayo: Ukumemezelwa kokuncengelwa.
FONTE: http://khumblani.wordpress.com/
Conheça já o Windows Live Spaces, o site de relacionamentos do Messenger! Crie já o seu!